न गुंतावे, न गुंतवावे.
गुंते सोडवता,
पुन्हा गुंतत न जावे.

- विक्रम ढेंबरे

आधी लिहायचे,
मग तसे वागायचे.
शब्दात जगायची सवय होताच,
मग शब्दांनाही फसवायचे.
जसे आपणास जगायचे, 
तसे आधीच लिहायचे.

- विक्रम ढेंबरे

रात्रीच्या पलीकडे  कालचा उजेड,

आजूनही थोडा उरला आहे, 

थोडा मंद थोडा फिका,

काहीसा नावापुरता उरला आहे. 

दिसताहेत काही पुसट हालचाली,  

काही पुरत्याच पुसल्या आहेत. 

काही सावल्या अजूनही 

अस्तित्वासाठी झटत आहेत. 

- विक्रम ढेंबरे 

ओलावा रुजला

थेंब पावसाचा . . . 
बरसण्याची जागा चुकला. 
व्हायचे होते समुद्र त्याला, 
वाळवंटात जाऊन सुकला. 
समुद्रदेखील मग . . . 
त्या वाळवंणटावर हसला. 
चुकूनच का होईना तुझ्यात 
आज ओलावा बघ रुजला.

- विक्रम ढेंबरे